اقوى مجاراااة للعديد من الشعراء عن.. (المستجدات في محافظة الضالع..))!!
اقوى مجاراااة للعديد من الشعراء عن..
(المستجدات في محافظة الضالع..))!!
البداية من الشاعر عزيز الردماني
توسعي يا ساحة الضالع..
جاتش رجال الله والعترة..!!
ماعاد حد نازل ولا طالع ..
ومن يعادينا حفر قبره..!!
ونصرنا مرئي على الواقع..
وهم مجرّد كذب فالنشرة..!!
وشوفوا الميدان والشارع..
بين الحقائق فرق والهدرة..!!
المرتزق بائع وانا شافع..
ومشتري ذا اليوم او بكرة..!!
ضيف الله سلمان
قولوا لحلف الشر يتراجع..
كم له وهو يتجرع الحسرة..؟!
مانقبل الخائن ولا الطامع..
في أرضنا با نجعله عِبرة..!!
والله عن أنصاره ايدافع..
سبحانه الغالب على أمره..!!
والنصر للقلّة وَعَدْ قاطع..
بالشّكل ذي با يخزي الكثرة..!!
وضربة الله مالها دافع ..
والمعتدي قد حاق به مكره..!!
الشاعر بسام شانع
الليل يا بسام بن شانع
عرّج على الموضوع والفكرة
وادرس مع من يدرس الواقع
ويجيبها عشرة على عشرة
ياالعام ذي قد جا قفا الرابع
اشّر جواز الحج والعمرة!!
بانرفع الصرخات من يافع
ونسمّع ابن البدر لا مطرة
تابع على نفس الخطى تابع
مشوارنا لا قبة الصخرة..!!
الشاعر سامي ناجي عبيد
واقع وربي بإنه الواقع.
والله لإنصاره بداء نصره..
الزحف بعد العود متّابع.
من بعد القايد صدر امره..
سقوط للأعـداء متسارع.
بيشغولهم جيشنا نقره..
معشقين القير في الرابع.
كمن بطل في ساعة العُسرة..
مقدام من رب السماء بايع.
وفي سبيله قد بذل عمره..!!
الشاعر يحيى العطيف
يـادهـر قل للغازي الـطـامـع
لابـد ما يـدفـع ثـمـن كـبـره
قد صاعه الفايت غدى راجع
عليه واعماله بـدت حـسـره
والضالعي في جبهه الضالع
فوق التحالف قد نفذ صبره
اطـلـق شـراره عامنا الـرابع
والله سبحانه قـضـى أمـره
والنصر والتمكين في الوقع
للي ثبت فـي ساعه العُسرة
صلاح احمد الرمام
من الحُشاء لا العود لا ناطع
تحالُف أمريكا ظهر خُبرة
إلى الوراء قد عشَّق السابع
وما جمع في اربع سنه خسره
الشعب للجبهات متدافع
يحمي اليمن بره مع بحره
والنصر هذا العام متسارع
حجم إنتصار الشعب من صبره
تسلم يد الرامي مع الصانع
البدر واحد يلقُط الشعرة
الشاعر ابوغزوان الوحيشي
حيا الله البداع والسامع..
وكل شاعر جاد من بحره..
وعداد ما برق الهدى لامع..
في جبهة الضالع لمع نصره..
وانا فداء كمن بطل شاجع..
ثابت مع الله ساعة العسرة..
ومع نهاية عامنا الرابع..
وبداية الخامس حسم امره..
دشن نموذج حيدري رائع..
للحسم يا سلمان خذ عبرة..
حسن السعيدي
الحسم في الجبهات متسارع
والله يقضي فالملا أمره
ما عن مقادير القوي مانع
مهما التحالف زاد من شره
راجع حسابك ياغبي راجع
مرة وراء مرة وراء مرة..
وإقرا في التاريخ عن دافع
خوف الردى ماتنفع الكبرة
مابش عميل للشر أو تابع
إلا وكيده عاد في نحره
أبو العباس مفلح
وحش البراري في الدماء لاطع
واذيال جيش المعتدي نثرة
النار والع والثرى والع
تحرق جيوش النفط والبطرة
اشرب جحيم الموت يا طامع
يستقبلك وتموت بالحسرة
جيناك واحنا العلقم الناقع
ما نرهب الفارق ولا الكثرة
الموت حظك والفناء واقع
والمعبر الي يشتعل جمره
#محمد_مفلح
حرام ما حد من يدي ناكع
باطارده لوما ادخله قبره
للحرية طوفان متسارع
من رملة العطفين لا المهره
يحرم على الغازي ولو جازع
نعطيه حتى جزء من ذره
ما لليماني ند ومنازع
دق العدو وعرّفه قدره
ما بيننا خايف ولا خانع
ولا نهاب الموت بالمرّه..
الشاعر عاقل بن صبر
لبوا النداء ياشعبنا الشاجع
من وايله لا لحج لا المهره..!!
جهاد ياشعب اليمن سارع
من ينصر الباري لقي نصره..!!
من هو يبى معنا فلا مانع
ومن يبى الخيبه مع الخبره..!!
نور المسيره بالهدى ساطع
وقرن شيطان اقترب كسره..!!
بدر السماء المتشظي الوالع
با يلحق الملعون لا قصره..!!
الشاعر ابو رعد الحيدري بديل
يادهر سجل موقف الضالع
ونشر بطولاته على النشره
واكتب ودوّن نجمها الساطع
هي والابية اختها المهرة
الحق واضح واالهدئ دافع
والضالع الصامد وجب نصره
حلف ابرهه والفيل له طامع
واليوم بيده قد حفر قبره
والله مانا للعدو خاضع
ولامهادن للعدو فترة..
#الشاعرابوعماد_الزايدي
في طاعه الله كلن ايسارع
ماهو من اجل الجاه والشهره
يستل سيف الحكمه القاطع
في نصرة آل البيت والعتره
ماحد لحلف الصهينه خاضع
الاالردي والاش والذمرة
وبعون ربي نردع الطامع
ونرد كيد الخصم لا نحره..
قاسم قاسم السقاف
ياالله ياوالي وياسامع
ترد كيدالخصم في نحره
المرتزق والغازي الطامع
وكل متأمر قطع ظهره
دوائهم القاطع النافع
من فوهة الشيكي وابوزغره
سرت سرايا برقها لامع
وسيل دافق زفرته زفره
جنودربي سيفهم قاطع
تحمل قلوب اقسى من الصخره
الشاعر احسن هادي زربه
في الضالع الأحداث متسارع
كان الحشأ مفتاح للشفره
واعلامناالحربي من الواقع
ينقل لناالتطهير في النشره
عاشت لجان وجيشنا الشاجع
يوم العدو لقالهم ظهره
يصحى الجنوب وقته بدل ضايع
والثلج يتحطم على الصخره
علي عقاب
الضالع اتحررمن الطامع
بأيدي رجال الله جا نصره
والمرتزق مرعوب متراجع
عايش في الويلات والحسرة
تحالف المهفوف والصايع
يشتي عدن وميون وسقطرة..
والنصرهومن ربنا واقع
وآيات ربي ماثله بامره
ياشعبنا وابشر بذا الطالع
نجمك بزغ واتجلت العسرة
الشاعر محمداحمد الآنسي
الحق قد حصحص في الواقع
والمعتدي هو من حفر قبره ..
شوف المواقف شوف في ناطع
كيف اوقعوا العدوان فالحفره
واستبسلوا في العود والضالع
وهاجموا الطغيان لا وكره..
الشاعر عبد القدوس الصباحي
لبت قوئ نجم الهدئ الصادع
عبد الملك ربي كتب أجره
إحنا رجاله سيفه القاطع
والحلف يصبح فاليمن عبره
في قعطبه يتقطع الطامع
من صدق المهفوف والخبره
واللي دعى للحرب لا مانع
يلقى معابر تخترق صدره
الحلف حنا سمه الناقع
داخل مريس الموت ينتظره
ابو إسماعيل الجابري
لاحت بروق النصر بالضالع
ربعي علي الساحات منتشره
فزعه بمن في دمهم دافع
اهل الحميه من رُفِع قدره
قولو لمن في ارضنا طامع
لابد ما تتالمو حــسره
شعب اليمن من حوث لى يافع
ومن تعز العز لى المهره
لن يقبلو من لليمن بايع
ومن شرى قصره يصير قبره
الشاعر حاشد احمد الشليف
مولى الرجا يالعدل يالنافع
يامن لك التقدير والقدره
قهرت حلف الغازي الطامع
وجعلت من والاه في حسره
وجعلت حاصل جبهة الضالع
بقدرتك عشره على عشره
يارب ديم النصرك متتابع
لجندك الانصار والعتره
واحفظ علمنا نورنا الساطع
عبدالملك ذي واسع النظره
أبوشرف الدين الحمزي
النصر واقع والشموخ واقع ..!!
وعدونا ماعاد له قُدره
ابطالنا قد .. طوقوا الضالع
وجهزوا .. للمعتدي قبره ..!!
الخامس العام عانق الرابع..!!
وشعبنا ماقد فقد صبره
بقيادة البدر البهي الساطع ..!!
عبد الملك والله رفع قدرة
ابوعلي البريهي
بسم القووي الخافض الرافع
قمنا على الباطل بها ثووره
بآل النبي المختار والتابع
شد اليماني عزمه وأزره
دام إن دين الله له وازع
والمملكه للشر هي البؤره
عيش الكرامه مننا نابع
والمعتدي نحفر بها قبره
في العود أو في دمت والضالع
أهدى لنا رب السما نصره
#يحيى_مفلح
أقسم بربي لسحق الطامع
واسحق جيوش الكفر بلمره
يامعبري خلك معي لامع
واقنص عدوا الله في صدره
خاين منافق ذيل ومخادع
يلي طعنت الشعب في ضهره
وراك من شارع الى شارع
الين تصبح للبشر عبره
ف ارض اليمن كمن بطل شاجع
ما لان عزمه ساعة العسره