هدهد النصر) للشاعر / محمد احمد مفلح
(هدهد النصر)
للشاعر / محمد احمد مفلح
هدهد النصر حلّق وارفع البشرى
لليمن بسم أبو جبريل نهديها
الطريق آمنه من نهم للصفراء
والحشود العميله روّحت فيها
الالويه والكتايب بالالوف اسرى
والغنايم عليها وسم راعيها
من مع الله ما اتعسّر عليه امرا
وعده الحق ف اولها وتاليها
نحمد الله ف الضرّا وف السرّا
قوته قاهره ما حد يقاويها
فرّت اذناب بن سلمان للصحرا
يصطبحها الفنا وإلا يمسّيها
من بلاد اليمن يا الداعشي برّا
من دنسكم نطهر كل اراضيها
وعدنا بعد حزم الجوف ف الخضرا
مملكة نجد بأمر الله ننهيها
من تعدّا على العدوان واتجرّا
غلطته غلطته حتى نجازيها
من دمانا محال المعتدي يبرا
والبنادق نقاها في مجاريها
موقف العز لايُهدى ولا يُشرى
والنشامى مباديها مباديها
سيدي خض بنا في البر والبحرا
لابتك وين تبغاها تلاقيها
جاتك القوم من علوا ومن حدرا
مثل سيل العرم لبت مناديها
والله إنّا رجالك والزمان ادرى
ما نهاب المنايا وقت حاضيها
بانصلّي سوا في قبلة المسرى
صرخة حسين تتجسد معانيها
قل لصهيون تترقب وتتحرّا
جيش الانصار قادم ويش يحميها
لا ورب السما يا داعش الكبرى
من على الأرض نسحقها ونفنيها
حصحص الحق والبهتان يتعرّا
والحقايق تجلت يا معاديها
حلف الاجرام صارت وقعته نكرى
والمماليك حاميها حراميها
والله ان تضربو اليمنى على اليسرى
يا عبيد اليهود ويا جواريها